Khawab or Haqeeqat Complete Novel by Yaman Eva
Book Name: Khawab or HaqeeqatAuthor Name: Yaman EvaGenre: Reality-Based, Arrange Marriage-Based, Ordinary But Brilliant Hero BasedStatus: Completed
Khawab or Haqeeqat, is an arrangement marriage-based novel by Yaman Eva. It is the story of a girl who is married to an ordinary guy contrary to her dreams. When she falls in love with her ordinary husband, she finds that reality is better than the dream.
Yaman Eva is a Social Media Writer, She has written many novels in a unique and interesting writing style.
Novels in Urdu is a platform where you will get to read quality content and beautiful full novels. There are all types of novels here, so please visit our website to read your favorite novels and don’t forget to give your feedback.
Novels in Urdu also promote new writers to write online and show their writing abilities and talent. As we gives a platform to new writers to write and show the power of their words.
وہ خوب صورت تھا اور بقول سنیعہ کے ہی از رئیلی wizard (ساحر)۔۔۔۔
پر وہ امیر نہ تھا، وہ اتنا پڑھا لکھا بھی نہ تھا اور اس کی جاب بھی معمولی سی تھی۔ نمیرہ جو اپنے سے بھی بڑے اور اونچے خاندان کے جواب دیکھا کرتی تھی۔ سیحان زبیری تو ان کے برابر کا بھی نہیں تھا۔
عام سا انسان تھا اور عام سا گھر تھا۔
نمیرہ پر تو اس کا پہلا امپریشن بھی خاص نہیں پڑا تھا۔ بد رنگ جینز پر گرے شرٹ، جس کے بازو کہنیوں تک فولڈ کیے ہوئے تھے، پیشانی پر سیاہ بال بے ترتیب پھیلے ہوئے، گندمی سنہری رنگت، مغرور کھڑی ناک پر چمکتی شہد رنگ آنکھیں اور چہرے پر بلا کی سنجیدگی۔۔
ویسے تو وہ عام حلیے میں بھی غضب کا لگ رہا تھا پر وہ ویل ڈریسڈ نا تھا۔ وہ شوخ ،شرارتی سا بالکل بھی نہیں تھا۔ اور صاف ظاہر تھا کہ اپنی جھنجھلاہٹ پر بمشکل قابو کیے وہ خود کو نارمل ظاہر کر رہا تھا۔
کچھ بھی تو نمیرہ کے خوابوں جیسا نا تھا۔
اور اسی چیز کا صدمہ نمیرہ کو کھائے جا رہا تھا۔
بہرحال نمیرہ نے روتے ہوئے اردگرد دیکھ کر کمرے کا جائزہ ضرور لیا۔
فرنیچر کافی پرانا تھا لیکن خاصی بہتر حالت میں تھا، کافی سادگی سے کمرے کی سیٹنگ کی ہوئی تھی۔
مگر نمیرہ جیسی رنگین مزاج لڑکی کو یہ بات بہت اٹک رہی تھی۔
اور جب نمیرہ رونے کا پروگرام پورا کر کے کمرے کا جائزہ بھی لے چکی، جمائیاں لیتی وہ خود کو سونے سے روک رہی تھی تب کافی وقت بعد کہیں جا کر مسٹر سیحان زبیری کمرے میں تشریف لایا اور سیدھا اپنی الماری کی طرف بڑھ گیا۔
نمیرہ سب بھلائے اس کے سنجیدہ چہرے کو گھورنے لگی۔ وہ کرتا شلوار اٹھا کر نمیرہ کی طرف متوجہ ہوا۔
نمیرہ نے پھرتی سے اپنی نظروں کا زاویہ پھیر لیا۔ اس نے کافی گہری نظروں سے نمیرہ کو دیکھا۔
”مجھے تو کہا گیا تھا کہ لڑکی جیسی بھی تیاری میں تھی بس اسے نکاح کے لیے بٹھا دیا ہے مگر تمہاری تیاری تو کسی دلہن سے کم نہیں ہے۔۔“
وہ حیرانگی سے بولا اور کافی حد تک سچ بھی کہہ رہا تھا ایک تو نمیرہ کا لہنگا فل بھرا ہوا تھا اور پھر اس نے کافی بھاری جیولری پہنی تھی اور فل میک اپ بھی کیا ہوا تھا۔
”آج میری بہن کی مہندی تھی جب مجھے خدمت خلق کے لیے پکڑ کر بٹھایا گیا تھا۔۔۔“ نمیرہ نے اپنی تیاری کی وجہ بتاتے ہوئے تاک کر نشانہ لگایا۔
اس نے آنکھین پھیلا کر اس من موہنی صورت کی تیز زبان ملاحظہ کی اور پھر اثبات میں سر ہلا گیا۔
”مجھے ابھی دا جان کے پاس جانا ہوگا ہاسپٹل۔۔“
اس نے نمیرہ کو دیکھتے ہوئے زرا رک کر بتایا۔
(تو جاؤ میری بلا سے۔۔ مجھے کون سا فرق پڑے گا۔۔)
نمیرہ نے جل کر سوچا۔
”آئی نو تم بھی ڈسٹرب ہوگی کافی۔۔ میری غیر موجودگی میں ریلیکس فیل کرو گی۔
سو پلیز ریسٹ کرو اور اپنی آنکھوں اور زبان کو بھی تھوڑا ریسٹ کرنے دو۔۔“ اس نے نمیرہ کی چلتی زبان اور بار بار گھورنے پر مخلصانہ مشورہ دیا۔
”ظاہر ہے آگے بھی بہت کام لینا ہے ان سے۔۔“ وہ بڑبڑا کر رخ موڑ گئی۔ سیحان نے ایک نظر اسے دیکھا اور پھر خاموشی سے پلٹ کر کمرے سے نکل گیا۔
“گھنا، میسنا۔۔ یہ بےچارہ ہے؟ اسے شریف کہتے ہیں؟
میرے باپ دادا نے تو بس دشمنی نکالنی تھی مجھ سے۔۔“ وہ اس کے جاتے ہی مٹھیاں بھینچ کر بولی اور کشن اٹھا کر دروازے کی جانب دے مارا۔
جسے کمرے میں واپس آتے سیحان نے بروقت کیچ کیا تھا۔
Khawab or Haqeeqat Complete PDF Link 🔗
MediaFire Download Link
Direct Download Link
